Hæstiréttur kvað 14. október upp dóm í máli nr. 4/2026 sem skiptir ungt fólk í námi miklu. Kona sem slasaðist í umferðarslysi árið 2019, á miðju tanntæknanámi, hafði fengið bætur fyrir varanlega örorku miðaðar við lágmarkslaun skaðabótalaga. Meirihluti Hæstaréttar taldi að miða ætti við líklegar framtíðartekjur hennar sem tanntæknis og dæmdi tryggingafélagið til að greiða henni mismuninn. Rétturinn benti á að lágmarksviðmið laganna hefði í vaxandi mæli fjarlægst raunverulegar tekjur launafólks. Í hennar tilviki nam það 3.422.500 krónum en hefði numið 6.691.000 krónum ef það hefði fylgt almennri launaþróun. Tveir dómarar af fimm skiluðu sératkvæði. Ráð okkar: hafir þú slasast í námi skaltu ekki samþykkja uppgjör á lágmarkslaunum án fyrirvara. Konan gerði fyrirvara og hann skipti sköpum. Fáðu mat á þínu uppgjöri hjá ESJA Legal á esl.is.